星期二, 11月 29, 2005

幾日無寫.

好明顯係倦怠期. 唉.

之前睇'彌敦道兩岸', 無厘頭有成班小學生坐後面, 踢椅, 嘈喧巴閉到乜咁. 有飛剩都唔使咁'戲劇教育'卦, 一係遠離普通觀眾啦, 又唔係兒童劇, 想佢地感受下以前果種艱難? 佢地唔明架喎

跟住睇 REP 2 號舞台節'拳手', 係一班中學生, 感覺好好多, 留低聽座談會, 因為係學生問問題, 所以問乜都得... (你可以話佢 NAIVE咩?)

星期一, 11月 21, 2005

2003..

supersun 播緊 2003年11月的金曲三甲..

1. 亂世佳人@twins
2. 必殺技@古巨基
3. 看透@莫文蔚
4. 心服口服@陳慧琳
7. 出賣@容祖兒
10. 十個分手的理由@電盈之子


挑戰歌: 身外情@明哥, 四月生日@梁詠琪

mm..

星期日, 11月 20, 2005

老奉?

前幾日在金鐘MTR, 見有大肚婆.. (放工時間啦)
上左車一陣架啦 (我開頭睇書, 等左陣先四圍望下..) , 咁就讓位俾佢. 佢坐左... 但佢都無講唔該喎. 咁老奉?? (雖然我都唔係求呢樣, 但咁無禮貌既?)

號外篇 - 近在眼前


原文貼於2005/06/11

這個月來工作一直在忙. 甚至在看郭富城演唱的這樣嘈吵的環境中也睡著了. 真是可怕! (我看的第一場, 後來看CABLE的新聞, 原來林夕也看了這場呢~)

為何有這號外篇? 因為在看亞視早上重播的電視劇時, 赫然又發現了主題曲竟然是林夕填的. 電視劇說的是秋官+葉玉卿的"望父成龍".

參看這圖

今天播的是第三集, 主題曲播的好像還沒有到副歌的段落就停下了. 我會逐集留意有沒有更長的版本的.

亞 視的好處是.. 起碼在片尾字幕會打出歌曲名字, TVB就不會. 想 來他當年在亞視工作, 除了前所提及的"第三間電台"中的電台台歌之外, 應該也作了不少主題曲, 而且是沒出唱片的!

(後記: 我在網上發現1993年的"銀狐", 主題曲是伍詠薇的"再生天地", 也是林夕作詞, 也是沒有出唱片.. 不過1993年他應該已離開ATV, 在ROCK工作.. 可能是友情牌!)

本來我還以為他跟秋官沒有合作過, 原來有! 難怪林夕有去秋官的演唱會.

1989/鄭少秋/亞視電視劇"望父成龍"/近在眼前

近在眼前 (亞視電視劇<<望父成龍>>主題曲)

作曲: 徐日勤
作詞: 林夕
編曲: ? (估計是徐日勤)

--
P.S.: 看畢了二十集, 始終沒有把主題曲全曲播畢... 最尾的一段完全是靠估:

但願有天無須動我自己 年華漸老但卻天天驚喜
但願有天狂哭大笑完全為你 只須想起你

"動我自己" -> 我也覺奇怪, 可是又確實是這樣發音.
至於"只須想起你"之後的, 是聽不到!!!

星期六, 11月 19, 2005

舊文重貼 - 歌詞分享@linxism.com Vol. 7


原文貼於2005/01/26


繼續是經典英文歌改編歌. 1990年FACE TO FACE主唱. 林夕唯一為她們填的歌. 原曲是Phil Collins' Another Day In Paradise.

當年二人女子組合ECHO走紅, 於是有這隊依樣畫葫蘆的組合出現.
而當年仍可寫非情歌, 空間比現時的較大.

1990/FACE TO FACE/FACE TO FACE/新人類

新人類

作曲: Phil Collins
作詞: 林夕
編曲: 陳澤忠

歌詞略

--
補遺:

其實我不能很理解英文原詞的意義, 是期望有烏托邦? 是怪責上帝? 是悲天憫人?

而中文詞不同的地方: 第一段應該是英文的意譯. 述說著天國的'美麗', 但副歌及第二段筆鋒一轉, 主角竟然留戀塵世...
只想要現在.

(也可能是只能專注於現在. 是活在當下? 未知生, 焉知死? 還是... 作為一個無神論者如我, 是根本不信有'天國'??)

星期五, 11月 18, 2005

今日一睇

今日一睇, 乜原來我寫呢度已經係一年前!? 咁快!

今日要記一事: 八卦真係有用, 唔係, 邊個話我知要 down server 先得架!!!!!!!

舊文重貼 - 歌詞分享@linxism.com Vol. 6


原文貼於2005/01/19

上星期分享了名曲的改編, 這個星期將會繼續~

這是蔡立兒1989年的"失樂園", 我沒有看過但丁的原著... 請有看過的朋友說和書本有沒有關係?

當年首次聽到原曲: Diana Ross 的 "If we hold on together" (歌詞: http://www.lyrics007.com/Diana%20Ross%20Lyrics/If%20We%20Hold%20On%20Together%20Lyrics.html)

是因看日劇..

這劇在香港的有線電視台播了一次就沒有再播... 我對這曲(劇集主題曲)留下了深刻的印象.
再聽到的時候竟然是弟弟在錄收音機節目的盒帶裡!

因此, 當後來知道林夕曾經寫這歌的中文版時, 也有點驚訝...
他將原詞寫的東西全都不要了~ (但我覺得寫得有點 cliche..)

最後: 有兩位朋友都回信給我說, "進睡"也不是普通話的說法~ 那應是林夕"造"的詞吧~
(我發現黃偉文和林若寧也有用過這詞!)

1989/蔡立兒/不得了/失樂園

失樂園

作曲: JAMES HORNER / WILL JENNINGS
作詞: 林夕
編曲: GARY TONG

歌詞略

---
p.s.: 最近香港亞視重播1990年的劇集"第三間電台", 赫然發現那電台的台歌是林夕填詞...
但我實在沒心機去看那劇集, 只看了一集, 有兩句"第三間電台, 無論有風或有雨".


真係... 奇!

上月尾考 KPT (korean proficiency test) Level 1, 考完覺得勁唔識, overall 都有90分. -_- 唔係曬命, 不過等我問下其他同學點先. 我都有D 考試運.

本來想裝 supersun 睇 '小李飛刀' (梗係睇阿飛+仙兒啦, 唔通睇朱江咩), 但排得期黎都只能排到今日, 而今日已經係大結局!!!

是但啦, 順便睇埋'火玫瑰'大結局, 當年好HIT架喎, 但家下睇, 溫小姐... 點解當年咁HIT? 興 'dorodoro' ?? (dorodoro -> 劇情好激咁解)

星期三, 11月 16, 2005

點解呢又?

去睇NANA時, 後面有無品兩男兩女係咁傾偈. -_-

佢地見字幕叫 平成雙玉之一 (點解佢會客串? 爭D 認唔出係佢!!!) 的結他手叫"拓實" -> 咁都笑一輪. -_-

BUT MAIN POINT 係, 字幕寫佢個名係'巧' (都係讀 'TAKUMI') 咁點解譯拓實? 又唔譯拓巳?

好難明, D 翻譯求鬼其咩? 又OK啦, 人名明明有REFERENCE架嘛..

星期二, 11月 15, 2005

哈~

1. 某商場 service counter 姐姐仔返工間NOTES!

2. CWB MTR 有甲由!

3. 本小姐真係記憶力超群... 竟然新月姐姐首'如何說再見'都記得係邊套戲裡面有! (但其實我又無睇過套戲先奇嘛!)

星期日, 11月 13, 2005

舊文重貼 - 歌詞分享@linxism.com Vol. 5


原文貼於2005/01/11

也 是湊巧, 昨天在逛 HMV 的時候, 聽到了 HMV RADIO 在播 EMINEM 的 "like toy soldiers", 我當然不知道是甚麼歌啦, 只有問店員, 那店員倒是很驚訝的樣子 (沒想到有人會這樣問嗎?), 然後到唱片架上拿了 EMINEM 的 CD, 給我介紹.

這歌 sample 了 martika 的 'toy soldiers' (當然也是回來後才查到的.), 就是今天要分享的這首詞的原版:
1990 年, 戴蘊慧的"無家天使".. (的確我覺得這是一個暗示, 也是我在想是時候再寫的時候聽到這首歌)
在"粵語流行歌詞研究"書中也有提及這首歌詞~

戴蘊慧, 好像就只出了這一張唱片, 她在1983年 (或是84?) 唱了"我係小忌廉" (日本動畫 creamy mami) 的粵語版主題曲後, 好像沒有流行的歌了, 為何會在數年後出了一張唱片然後又消失, 簡直是謎.

看了'toy soldiers'的歌詞, 再比照粵語版的, 更有趣味! 林夕當年比較多填這種"破碎家庭"式的歌詞.
(後記: 其實近年也有, 我的爸爸媽媽, 小黑與我...)

另: 進睡這個詞常常林夕的詞中出現, 第一次應是88年的忘情號. 好想問一下說普通話的朋友們, 本來中文有沒有這個詞? 還是應說"入睡"呢?


1990/戴蘊慧/THE OPENING LINE/無家天使

無家天使

作曲: MARTIKA / MICHAEL JAY
作詞: 林夕
編曲: 鮑比達

星期六, 11月 12, 2005

舊文重貼 - 歌詞分享@linxism.com Vol. 4


原文貼於2004/11/25

黃霑先生離去了. 他的歌詞 (尤其是電視劇主題曲歌詞) 陪著香港人成長, 是不可分割的記憶......

黃霑先生在1989年出版的"香港 x'mas"曾找了林夕填兩首歌詞. 而在1990年, "三個寂寞的心"的"愛情公開學院"(即當時大紅的香港電台節目的DJ: 倪震, 邵國華, 梁繼璋出版的CD), 黃霑也唱了一曲. 歌詞意念相信是由三位DJ提出, 但填詞的相信是林夕. (歌詞紙上這樣寫: 劇本系教授: 倪震, 邵國華, 填詞系教授: 林夕, 副教授: 倪震)
這隻唱片, 當時是大賣的, 但十多年後的今天, 要找卻很難找到! 這個又有一個故事要說... 但今期不說了, 以後有機會再說.

這首歌, 活用了廣東話的特點, 很粗俗, 也很"到肉", 很搞笑. 運用的疊詞更是全部押韻的! 希望內地的朋友能明白我說甚麼~ 少見林夕填完全廣東話的歌詞, 這個很珍貴. 而且只有霑叔才能把這樣"猥""瑣"的歌詞唱得好!


1990/黃霑/愛情公開學院/四級洞房秘笈

四級洞房秘笈

原曲: 將軍令

歌詞略

後記: 倪震後來在'絕情谷'中播出了這首歌. (好想他會播足全碟!) 多得有心同事報料 :P , 我才聽到!

細水長流...

想講既係, 睇左兩晚CONCERT, 隔離都係一對 G COUPLE, 到左唱'細水長流', 都大大聲跟住唱! (唱得仲大聲過 sandy 其他歌)

唔....

A 小姐, 要記得 "嘩, 流星呀!" (勁不屑語氣)
笑死!

星期四, 11月 10, 2005

舊文重貼 - 歌詞分享@linxism.com Vol. 3


這次分享的是"像我這樣的一個女子", (1987年, 呂珊主唱)

香港作家西西在1984年寫了這一本小說, 名字就是"像我這樣的一個女子", 1987年, 香港電台拍的"小說家族"就有演這個故事, 馬斯晨主演 (沒記錯吧~ 對這一集沒甚麼印象, 反而是隨後的一集拍辛其氏寫的"真相"很有印象..)

小說寫的是一個在殯儀館當屍體化妝的女子的故事, 她想要戀愛, 但男人都怕了她的氣味, 她的蒼白...

林夕只是借了這一個名字再寫. (歌詞的一部份, 在"香港流行歌詞研究"一書中也有引述, 及評論)

我覺得這詞其實亦是, 林夕在8年後寫的 "(無題)" 的雛形.

呂珊唱的很好, 可惜現在也沒甚麼機會出唱片了, 只在電視劇中演媽媽的角色...

1987/呂珊/呂珊/
像我這樣的一個女子

像我這樣的一個女子

作曲: 周功成
作詞: 林夕
編曲: 翁家齊

歌詞略

舊文重貼 - 歌詞分享@linxism.com Vol. 2


這幾天想著這一期要分享哪首歌時, 心裡一直想到這首歌.

這歌是一九八九年雷安娜的歌, 雷安娜出版這張碟好像是她最後的一張了. 不過是哪一個月出版的已經不可考.

找這隻歌也有一段故事, 香港的圖書館存有這個盒帶, 有兩份拷貝, 但兩份都丟失了歌詞紙. (香港人實在是很沒公德心 -_-) 所以那時我只好聽寫... 幸好後來找了很久找到了這張黑膠唱片, 才核對了歌詞.

這隻歌的旋律頗優美 (花比傲的曲一向有水準), 聽了就會記得那種.

總覺得這歌描寫的人物造像很熟悉, 好像不知道甚麼時候看過的小說的封面女郎/女主角???

1989/雷安娜/情永遠/
異國情緣

異國情緣

作曲: FABIO CARLI
作詞: 林夕
編曲:
FABIO CARLI / FUMIAKY OGAWA

歌詞略

mm...

I just start a blog, if you're interested, just come, and see :)

mmlinx.blogspot.com (too bad I can't register as micchy..)

星期三, 11月 09, 2005

舊文重貼 - 歌詞分享@linxism.com Vol. 1


第一首想分享的是1990年的"想你 ". 在郭小霖的精選中的, 在香港不難找到~

為何想要分享? 因為在兩年前的某個夜深, 很夜才睡覺時, 聽到收音機播放這隻歌, 覺得一定是林夕寫的了...

我有這唱片, 但在做林夕詞作名單時卻遺漏了.. (因是精選碟沒有留意原來是有新曲的) 在新聞組上看到有人說這隻歌是說人鬼戀的. 時間上與1990年在YES!寫的鬼古也脗合. 可以作為一個參照.

1990/郭小霖/小霖一些新一些舊新曲精選/想你

想你

作曲: 郭小霖
作詞: 林夕
編曲: 郭小霖

歌詞略

開張大吉?


不知不覺在 diaryland 寫日記已經一年了. 這邊會以白話文為主, 那邊主要是口語~ 那邊將會是心情記實, 這邊則多些歌詞感想. 不過貫徹方針, 我盡量不會貼歌詞的~

就這樣!

感覺... 好像是 IPS - Integrated Package Account (上左腦..), 有主網頁: http://www.linxism.com
有日記.. 有guestbook, 現在還有BLOG!

歡迎留言/comment/e-mail :D

星期二, 11月 08, 2005

一周年!?

今日一睇, 乜原來我寫呢度已經係一年前!? 咁快!

今日要記一事: 八卦真係有用, 唔係, 邊個話我知要 down server 先得架!!!!!!!

星期一, 11月 07, 2005

咁耐啦...

本來'情書'譯錯的仲有MARK低, 不過算啦, 唔寫了. 反正從來看日本片都總係咁. 自從突然間開左竅, 聽得明日文劇/戲之後.. 就變到咁牢騷添.

尋日MP將'捐款'寫成'損款', 小學生咩?? 仲有.. 話王菲當年'幸好'同謝霆鋒分手, 有無搞錯??

尋晚發夢, 見到結左婚的中學同學, 仲問她點解唔請我地飲?? (其實可能我要求太多, 根本係好平常!!!) 我估我D 同學都唔會睇呢度, 所以我話過唔想有人因睇到呢度而覺得HURT, 我估唔會卦, 其實... 我又太睇得起自己, 人地都唔CARE啦.

當年... 我覺得她係一個RIVAL(仲記得我話我好鍾意呢個字). 不過其實係'相手NISARENAI'. 即係人地都無將我當成對手.. 我一路都懷疑... 唉. 都係唔好寫咁明, 係 'xmas事件' - for my reference.

總之就咁. 不過咁多年我都放唔低 -_- (死啦. 我D 潛意識最近好活躍)

星期四, 11月 03, 2005

九年後...

當年, 在影藝, 在LTA, 都有看過.

今天, 在IFC.

翻譯, 有問題... 博子在看見樹的校刊時, 因為樹的相是"KEY IN"的 (未影相就轉校), 藤井媽就對博子說, 現在看回這相, 感覺有點"不吉" (好明顯講左"FUKITSU"), 翻譯譯左做"現在感覺模糊". 點解???

仲有, 聽日續.