星期日, 7月 31, 2005

愛看鈴木做戲

"愛看鈴木做戲 也愛妻夫瀧澤的美" --- 郭啟華為 AT SEVENTEEN 填的"他和她的事情"歌詞. 當年我即刻去佢地官方網站留言, 話俾佢地聽咁填係錯, 因為我相信佢地填的"妻夫"係指"妻夫木聰", 而妻夫木聰既姓氏係"妻夫木", 唔係"妻夫". 佢地亦有表示已經知道, 但疏忽了.

前幾日, 明報又寫錯, 我寫左去話佢地知:

quote

你好, 今日在貴報的娛樂版C9版中報導妻夫木聰的新聞時, 最尾一句提及"妻夫"今次又撇下 (下略).

想提醒一下你們其實妻夫木聰的姓氏是"妻夫木"而不是"妻夫", 所以你們這樣寫是錯的, 希望你們多加留意.

micchy
unquote

但... 無回音. 亦無在更正欄出現 (http://www.mingpaonews.com/corr/index.htm)

係咪娛樂版就輕視呢? 其實我成日見其他版都有錯字, 不過無投訴, 最近直頭唔買報紙添.

響呢個連記者都對文字無要求的時代, 我地做人其實係咪應該對一切都"慨"不"付"責呢?

Re 文

http://monjeh.diaryland.com/050729.html

好同意你今日篇野, 我咁大個人, 其實都無乜目標, -__-~

話時話, 我有睇香港舞蹈團果個PERFORMANCE, 一次過做"自梳女", 同埋"周璇" (舞團的經典劇目重溫, 每套只做一兩節) 講真其實我都係為葉璇而睇, 我不嬲都唔睇DANCE... 但今次好好睇, 原來DANCE都可以做到戲.

葉璇跳左兩PART, 一PART係同男角慢舞. 另一PART係唱左隻歌, 同埋成為左"大明星"之後係咁企響男DANCERS上面..
不過我亦有聽人批評佢跳得差, 我覺得算係咁啦.

不過最搞笑係當初開記者會, 記者問佢驚唔驚同男DANCER有身體接觸, 真係覺得D 記者好"on 99" 囉..

再講講再生緣 - 我唔明點解KELLY姐會 "回憶卻幸你"呀... 不過林峰在"再生緣"成日講 "麗君姑娘" 講左做 "麗轟姑娘"....

星期五, 7月 29, 2005

究竟是誰介意? (續)

舊年, 黃生拎到呢個獎, 講左以下說話:

quote
爆冷, 我冇諗過會"手羅"到呢個獎, 因為寫得多唔係我既目標, 我甚至應該唔會有得再寫歌詞, 因為我 d 歌詞交得好慢, 我又惡死, 我又唔肯改歌詞, 我又唔識做人, 我又講錯野,
唔知點解. 我多謝信任我既唱片公司, 歌手, 監製, 我多謝我既 publisher
EMI Publishing, 我多謝我 d 朋友, 如果唔係我唔知點樣可以寫到十年, 我多謝佢地. 我鍾意鄧萃雯, 我鍾意何秀蘭, 因為佢地話俾我知, 令我知道, "手羅"唔到獎, 唔等如叫輸, 同樣地, "手羅"左獎亦都唔等如叫做贏, 如果有得我揀既話, 或者我寧願冇"手羅"獎, "手羅"唔到獎, 但係有人覺得我唔抵, 好過囉左獎, 有人覺得我唔值得. 我以往咁多年響台下面, 我唔知道我冇"手羅"獎既時候, 有冇人都覺得我夠努力, 我只係希望,我今年第一次有機"WUI"企響呢一度, 可能係唯一一次, 我只係希望有人覺得我係值得既,咁係比"手羅"獎更重要.
unquote

講真, 我已經唔多高興. 不過人地話佢大方, 咁算. 我其實覺得唔係.

今個星期的壹周... 不如數下出現左幾多次"林夕"個名?

林夕在國內版的COSMO都講過. 林燕妮其實唔應該話俾人聽原來霑叔, 都介意後來無人搵佢寫詞. 因為"豁達"如佢.. (起碼在大眾心目中的形象) 都放唔低. 所以林夕亦都唔會放得低.

只係咁. 有無講過邊個個名?

我都欣賞黃生某D 詞. (例如"最佳位置"... 壹仔篇訪問的收結). 但係.. 如果 黃生覺得/事實 林夕的確唔介意/無受傷害. 咁, 係我自作多情了.

其實係我介意囉.

星期三, 7月 27, 2005

究竟是誰介意?

今日唔得閒.. 不過都要起個標題先.

講既係今期"一仔"...

星期一, 7月 25, 2005

靚仔 :D~

本來今日想去多日書展, 點知臨收工果陣, 同同事講起, 佢話好逼! 咁唔使去啦! 所以就"一年一度"咁, 用左張UA LOYALTY CLUB 既生日免費飛, 去左最貴既UA 金鐘睇戲. 本來想睇"我的馬拉松"或者"BATMAN", 不過PP得"BATMAN", 所以就睇啦... 一入去得幾丁友, 嚇親... 不過收尾有返三十個人倒啦...

其實我入場之前都唔知/唔記得睇邊個做BATMAN... 淨係知有渡邊謙份 (前幾日睇左吨WSMAPXSMAP BISTRO嘉賓... KEN SAN 話佢做BATMAN啟蒙者的角色)

其實今日收工係一路行去PP的 (SAI左特登去DOOT左八達通慳兩雞), 途經金鐘廊的GODIVA, 買左39蚊的 white chocolate raspberry :D 真係幾好飲~ 最緊要係令我覺得個人都HIGH 左 (呢D 係 upward mobility la!)

又講返套戲, 一路睇開頭, 我都好懷疑自己係咪入錯戲院, 不過另兩間做動畫... 仲有一間做"撒哈拉", 點睇都唔似沙漠既... 直至見到渡邊譧出場, 先確認自己無入錯院~ 不過好可惜, 頭果PART就因為自己懷疑過頭, 而無乜留心... 跟住呇a打打下.. 又有火.. 我就鬆懈咁訓著左 (oh no~) 直到佢返"屋企".. (我都唔想訓著! 嗚~ 有靚仔無得睇) 嘩... BATMAN真係好靚仔, 種"靦覥".. 係咪仲有少少酒LUP? 真係好正 :D (好過o靚仔SPIDER MAN啦..) George Clooney, Val Kilmer 果D 一D都唔靚... 我都係睇片尾ROLLER先知原來係 Christian Bale.. 即刻就想買返"American Psycho"!!! 不過行過果間鋪無貨 :(

BATMAN快D 出碟啦~ 等我睇返訓左果D , 嘻!

星期日, 7月 24, 2005

你我一起能看多少套戲?

唔... 心水清的朋友會發現... 我POST D 戲飛出黎... 實在唔明智! 不過是但~ 同埋, 無意識地原來我係揀左某NUMBER黎睇! 我都唔為意!

另外, 今日去書展... 都唔少人係"拖"住個行李"口急". 點解? 因為要買好多書? 因為要飛? 好鬼AH JAR...!

星期六, 7月 23, 2005

是哪一套最回味?

京華. 已經執左咯, 當年... 睇呢套時好多"鹹濕伯父"....

UA 金鐘, 當年係UA QUEENSWAY.. 依家變左pp

while you were sleeping, LUM 到呢... (不過當年個譯名應該一個係"你", 另一個係"妳"喎)

星期四, 7月 21, 2005

由林奕華的新書講起...

出左四本信報(?係咪呢)專欄的結集, 一次過買有9折... 睇ING, 好有趣. :) 在"創世紀" "熱播"的時候, 睇返五年前的批評, 係咪依家D 人善忘左? 定好似話"人死左, 就乜都變左好野" (唔記得句野點講添)

本來搭車返屋企時諗左要寫篇野講一講咁多年來睇宎@的經驗 (其實都係五年即), 同埋有一次在CWB SOGO後面條街見到佢... 同埋佢在"我X學校"時一系列的WORKSHOP的記錄(唔係紀錄!)感動到我. 同埋佢話 WYMAN 填的"過去 會過去的"的雙關.. (今日我要再提: 命中都命中都係)

同埋雖然第一次睇佢個團的"四大發明"真係唔知做乜. (不過我係果時第一次聽"客途秋恨" - 南音). 同埋好鍾意佢個團的劇最後總有"多媒體"的片, 有一堆文字. 好靚.

同埋好鍾意佢填俾陳小姐的"我敢去愛"同"只有自己同藥知". 同埋好鍾意有人白痴到唔明"蟋蟀都已經不再蟋蟀了" 的第二個"蟋蟀"好明顯係VERB, 而話唔通"小明已經不再小明了"咁都得咩 -> (證明本人幾咁心胸狹窄而又自以為是而自大呢!)

不過... 都係唔講住. 因為仲有幾分鐘, 就係本小姐的牛一啦... 又老一年LU :~ (最慘係.. 今年唔俾請假呀)

電話調查及..

真係唔明點解D 電話調查打黎永遠問你係咪XXXXXXXX的機主, 唔通唔係咩?

今日又聽到... 答佢, 佢即刻話阻我20秒時間 (好有創意, 未試過有人只要20秒咁少!)
跟住問我會唔會去迪士尼, 我心諗答佢會話"多謝晒"啦, 點知跟手問我你覺得350蚊一張飛貴唔貴, 咁我話貴. 跟住先問我小姐你姓乜?
有無搞錯呀, 你一係唔好問, 一係就開頭問啦, 不過我同事話, 一開頭問你實唔答佢, 咁佢咁騎呢位問我仲令我反感. 我咪問佢問黎做乜呀, 佢"尊稱"我喎.. 我話唔使啦.
跟住佢問我年齡係28-39定39-50. 有無搞錯! 淨係俾呢兩個CHOICE我, 真係太過份~
跟住我就問佢竟你仲有幾多條問題? 我好忙架. 跟住就咳.
點知個電話即刻響過, 唔聽即咳, 再響! 真係!
想點丫? 係咪想"小"我先... 咁我響公司, 又唔可以"小"返佢, 再者, 接左都係蝕. 唔接啦梗係.}頭個電話係無來電顯示既, 第二, 三個就有. 我打果個NO, 係接通左但無人出聲!!!

第二件要記係今日去左 crabtree & evelyn 買左 5XX 野 (七折後) , 因為佢優待我地公司僱員, 好開心 :D

星期二, 7月 19, 2005

雷聲轟轟...

尋晚去左食間唔好食既"鐵板燒", 跟手仲響街去左三次廁所 (不過唔關間野事, 本人D 腸胃不嬲唔好, 去日本時有晚在酒店去左四次...)

今晚又去左食野 :D

訓覺果陣無啦啦落大雨.. 本來以為尋晚咁熱, 又要出廳訓 (前晚都無開風扇, 在廳訓... 我屋企係無冷氣架~), 點知落雨... 所以返房訓, 嘩.. D 雷嘈到... 但又訓到覺喎! :O

星期日, 7月 17, 2005

舊相一貼

A 小姐... 我隔離果個應該是你?

咁就.. 五年啦

今日一記..

其實係幾記.

1. 個WINPVR 總會無啦啦錄唔到, 而且總會係BACKUP (即錄影機) 果度又唔得 (因為未倒帶 :( ) 所以錄唔到今朝"天堂鳥"啦

2. "槍神" 接 "賭神秘笈" 檔. 又有$12000姐
當年亞記D 編劇, 將"賭"同"鎗" (唔係"槍"!) 當做武器... 好睇咩?

3. 要推介漫畫"蜂蜜與四葉草". 我不嬲都唔鍾意租漫畫, 但前排想搵一套, 咁O岩無得賣只得租, 就做左會員啦. 一路都租左幾套漫畫. 之前在NEWSGROUP睇到有人講呢套, 於是上左心 (氣NINARU~), 就租左呢套.

果種懷舊的情懷, 甚至寫人, 寫事的技巧, 已經係好好睇既小說黎.

作者對舊事物果種"愛", 令我真係好感動. 但呇P時又非常幽默! :D

大家快D "買黎睇" (唔好似我啦)

跟住又諗起呢套電影 "黐孖妹" (Ghost World)
http://www.imdb.com/title/tt0162346/
Scarlett Johansson 未成名之作. 不過.. American Beauty 中 Kevin Spacey 個女.. Thora Birch 同 Steve Buscemi (我真係好鍾意好鍾意佢!) 果段情, 我真係好鍾意.

講到 Enid 去搵 Seymour.. Seymour 同舊唱片 (係VINYL~) D 野. 講 Enid 最尾... 一個人在路上行...

可能係因為, 我都喜歡去搵舊野. 喜歡有人同我講舊事物~ 同埋, 當年正為要找偶像的舊詞, 成日去搵舊唱片. 好有共鳴. 唔wui忘記為左搵到D 要搵既野的加左速既心跳. 同埋意料之外收穫的...

星期四, 7月 14, 2005

復刻版...

寫幾隻字先, 買左郭小霖的復刻版. :)

當年佢搵林夕填左唔少詞. 須知當年林夕仲係新人呀~ 唔少野架~ 最經典當然係"夢中見"同"想你"啦

夜深果陣, 響收音機度聽到呢兩首歌, 可以係好"毛管戙"架!

本來我原則係唔貼歌詞, 但都要貼少少:

"不必怕孤獨夜晚 給這世間遺棄 找不到溫柔和知己"

仲使乜驚呢?

好遺憾.. YEAR 3 果年佢去左科技大學做歌唱比賽評判, 無俾隻"一些事, 一些情"俾佢簽!

最後呢句, 係俾自己既. 十年啦, 係咪得我記得呢?

星期三, 7月 13, 2005

個web俾人掃添..

個web俾人掃添..

好明顯, 有人用d web tool去掃我website~ d/l 晒所有歌詞資料. (不過都係得作曲/作詞/編曲人名即~)

無乜既... 我對呢樣野都有少少反感. 證明我唔繙q詞上網係o岩既. 因為人地只會一個唔該都無就掃場囉~ (更何況我都唔係版權擁有人, 又點可以自把自為呢?)

好啦, 明天就去旅行了 :D

星期二, 7月 12, 2005

天堂鳥(舊劇重播及其他)

香港真係無乜高質素的電視劇討論區. (當然我都唔係啦~) 亦都無人去討論下D 重播劇. 日本 2CH 就有個專講舊劇的版, 好正~ 我都成日去睇
http://bubble4.2ch.net/natsudora/

講返亞記朝早重播的"天堂鳥". 開頭竟然係講198X年香港暴動... (咁梗係虛構, 暴動係6X年呀可~) 搞到劉雪華老豆間金鋪俾人劫, 而保險又無得賠... 劉雪華有曾偉權 (保險公司老版, 有錢仔) (嘩佢呢期好紅! 奪命真夫又有佢!), 金興賢, 吳剛師父, 王偉 LUM 佢... (勁!)
而麥翠嫻... 把聲好難聽. 我淨係記得妐齞捄L記第一套"摘星的女人" (又係DORODORO系) 好鬼正~ 夠激~ 坉n勾朋友條佬 (石修.. 點都唔係仔啦卦, 石修響套劇度叫"井望天" :O 而麥就叫"TRACY".. 希望無記錯~)

講返入正題先, 須知要拍"香港暴動", 都真係要動用幾多人力物力. 叫做係大製作黎架啦!
同埋相信保險響當年叫做"新興行業"!
再講原來監製係劉家豪, 助理係李力持~

好想亞記重播"傅紅雪傳奇"! (我有無在呢度講過呢?) 又係有曾偉權架! 響呢套劇叫"樂天", 做得幾好!

無記朝早重播"十月初五的月光", 我就無興趣啦~ 唔想睇佘小姐... -_-~

星期一, 7月 11, 2005

日本歸來~

我真係好喜歡日本 :D~
開心~

星期六, 7月 02, 2005

HKCEE好有$$?

睇壹仔先知皇仁 HKCEE拎A 有$$收... 點解我以前果度無架?

如果有, 可能我會俾多D 心機! (應該會.. 因為當時無乜$$. :( )

雖則話求學唔係為$$. 但有個咁明確目標既話, 我一定會更加努力囉~

星期五, 7月 01, 2005

嘻~

放緊假, 又無MOOD寫野. 寫幾隻字啦.

一, 終於辛苦完, 雖然... 唉.

二, 上禮拜食LUNCH行錯路無厘頭見到楊怡. 記低.

三, 亞記月頭先重播完"捉鬼手記" (朝早時段), 家下又黎? (深夜時段)

四, 望父成龍播完, 明天播"天堂鳥" 無記錯好似係劉雪華做, 錄黎睇下先. (望完成套望父成龍, 都係無播晒成首主題曲...)

五, 下星期去日本, 七日六夜 :D 大家唔好掛住我啦~