大球場

2004-12-05 - 11:49 p.m.

首先要講下尋日的MP, 講今日黃霑先生的追思會因有封路安排, 所以請巿民要盡量使用"交通工具"去...

你覺得冇問題? (我已經俾晒提示喎) OK~ 咁算啦 :) 人不知而不慍...

竟然有人為左本場刊打交... 唉. 要黎又點? 咪又係擺去屋企唔知邊度, 然後最後可能唔見左?? (絕對係本人的寫照, 因太多野啦!) 要QUOTE一句先...

"誰又帶得走 一塊記念碑 心中掛著甚麼行李"

我諗遲些可能會開始研究下佛學, 因為我的兩位偶像都信佛 (或研讀佛經).

要講下黃霑先生的歌的印象. 能夠令差唔多全港的人都識唱佢既歌, 仲要係唔只一首, 係好多首, 足顯佢在詞壇的地位. 仲記得當年金庸劇重播, 1989年暑假, 重播天龍八部. 我真係唔知有冇睇過82年的首播, 但係重播第一集時, 我竟然係識唱隻歌既! (註: 當年本人係冇得聽收音機... 阿媽亦好少俾我睇電視, 有印象的係1985/86年後的了..)
對於在89年已經睇晒金庸的我, 當然亦有睇晒89年重播的天龍, 到依家仲好記得!.. (反而87年重播的鹿鼎記同88年重播的神鵰, 我依家冇乜印象)
當年對黃杏秀驚為天人 (雖然好騎呢地做埋鍾靈都OK, 但蕭峰因鍾靈似阿朱而 LUM 佢太離譜), 梁家仁實在出色 (後來無記重拍, 我覺得係應該搵吳毅將做蕭峰...)
而我偶像後來填的兩隻天龍主題曲, 始終不及已成經典的"兩忘煙水裡", "萬水千山縱橫"

連續兩日都有喊添, 尋晚係因為睇左眾劇團的"man of la mancha"中白耀燦先生的精彩演出. 唐吉訶德到底是聰明或是白痴? 老戲骨的戲真係好犀利, 就好似KING SIR做"承受清風"咁... 都好正~ 咁O岩睇到場刊有西班牙領事寫的, 唐吉訶德同唐璜, 係兩個世界知名的西班牙文學人物, 咁O岩兩個響今日黎睇, 可能都係"妄想症"人物......