星期六, 12月 04, 2004

有關歌詞的聯想...

尋日終於係六年日文的最後考試, 雖然我覺得 SENSEI 好堅, 竟然俾我地自由發揮答題, 咁佢究竟可以點俾分??!!

返學返到臨尾呢年, 講真學D 野都唔多架啦, 反而係好似一星期一次的聯誼咁, 尤其係今年我成日同同學J去旺角!~ 真係幾開心架~

我不嬲都尊重人地的宗教信仰, 雖然未必認同. but 尋日同J講起舊年的"零號"事件.
覺得班人真係痴X線... 唔係話唔嘈得, 但咁冇SENSE, 隻歌出左成三年先黎嘈, 有冇搞錯. 最離譜係阿千化仲話當年係新人, 唱片公司叫佢唱乜就唱乜, 唔係卦. 我知你係咁樣撈, 但真係冇GUTS. WYMAN就睬你都傻...

記得呢隻歌未出碟時叫"使徒行傳" (點解? 睇EVA啦!) 可能仲俾人鬧得仲勁!(咁點解又唔鬧同碟的"新世紀福音戰士"?)
講返零號, 當年我未聽到呢隻歌, 淨睇歌詞都覺得超正啦!!! 仲有一句要講, C 曾經話呢句

”誰又證明過 聖經裡的真理 命中都命中”

唔, "命中都命中",

比起林夕填的"暗湧" - "我的命中命中"要高一層.

呢個, 我同意既.

講真我又唔明林夕FANS做乜咁憎WYMAN? 我個人覺得WYMAN完全係OK, 仲有唔少佳作添~

我個人就好鍾意王菲的"懷念"啦~ (BUT, 我唔認同C在"浮躁"大碟裡覺得"掃興"好過"分裂", 絕對係"分裂"好些) 仲記得有次在灣仔一間dup骨的見到WYMAN (本人是一名骨精..) ,非常之有禮架~ (而我亦曾經在黃耀明的拉闊見過林夕一次咁大把...)

可能佢地真係有 rivalry? (我好鍾意 "Rivalry" 呢個字, 遲d再寫!) 但FANS使唔使好似譚vs張, 又或者林夕講既達明vsRaidas咁去吶喊助威? 唔係卦~

最後, 要講講, 今期新 monday (本人亦係八卦雜誌迷), 記者 quote "難得一身好本領,情關始終闖不過" 黎形容跳水王子田亮.

Fine. 但佢句歌詞係霑叔寫喎, 唔係卦, 此沾不同彼霑呀大佬. 唔知, 咪查資料囉, 有幾難呀. 又或者呀, 睇TVB重播的煇黃夜, 阿eason(有冇記錯呀唔知呀)
話最鍾意煇黃作品係小李飛刀, 霑叔即刻就讚"盧國沾先生的歌詞, 正!"咁啦.(呢度要講多句,咁多年的歌詞紙, 雜誌, 好少寫得o岩"顧嘉煇"個名, 唉, 日本人連人地個名係大楷定細楷, 都一定唔會出錯架)

唔怪得話記者水準低落, 都唔好話我睇開果份MP啦, 錯別字多到嘔呀.

另, 如果有subscribe我maillist的人睇到,maillist將?#124;暫停, 直到我有mood繼續寫為止. 尋日我同J講, 林夕應該係小器架, 因為鍾意睇張愛玲喎. (呵, 小器到見到我寫呢句?#124;嬲嗎? 如果係又好呀, 竟然?#124;睇我寫的野!? :D) 所以作為伭ans的我, 小器都o岩架!