期望你看見我做了的功課

先要利益申報, 作為一個廿二年前已是黎明迷的我, 從來沒有看過劉華的演唱會......

(先岔開一下, 我細佬之前問我點解佢細個會去睇黎明演唱會, 好簡單, 果陣我出CALL 機, 有飛送, 咪同佢一齊睇! 佢竟然話, 如果有得揀, 四大天王佢最唔想睇果個係黎生...... -_-)

本來今次都無諗過要睇, 但係有人搵我幫手買飛, 咁我又買黎睇下啦. (反正我乜都睇一餐...... 李宗盛周華健謝安琪都睇啦)

今次睇...... 真係有驚喜加感動...... 十之有八係舊歌...... 仲要係HIT果D. 雖然無迷過佢, 但作為九十年代的歌迷, 又點會唔識愛不完/一起走過的日子/末世天使/忘情水/我恨我痴心(呢隻係80年代)/流浪(呢隻都係80年代)/天天想你/你是我的夢....etc. 對於最鍾意睇懷舊show的我就最o岩啦!

記得當年 d 八卦雜誌最鍾意話佢唱歌唔夠學友, 跳舞唔夠城城...... 佢真係有俾心機去唱好 (記得佢以前唱電台show成日咪嘴) 又練舞...... 真係有做佢的功課!

當年另一個唔鍾意佢的原因, 係覺得佢太介意. 97年...... rthk 頒獎禮得個國語歌曲獎係俾聽眾投票選出, 呢 d 獎一定年年都係劉華拎, 因佢 d fans一定係咁投! 我當年...... 都幾"藐"呢樣野...... 依家諗返, 都覺得唔 o岩. 其實各人有各人的道行及造化, 各師各法, 無話乜係o岩乜係唔o岩.

從結果黎睇, 黎生98年演唱會夠咪嘴, 仲要辯護話因為唔想跳舞搞到唱唔好. 仲有黎生近年對佢班師奶fans的態度, 我有時會諗黎生 d fans係買錯左...... haha 而劉華就不愧係一隻"增長股". 佢話佢要佢 d fans 好驕傲咁同人講佢地鍾意劉華. 剩係呢樣野就值得人尊敬.

講返個show, 無錯係show......連band都見唔到...... 花的心思真係處處見到, 四面台都有"昇空"環節, 都有升起既台, 都有"椅". 四面分配的時間都差唔多. 半空螢幕無俾"綫"/"纜"遮住. 燈光/投影/dancers全部都好pro.

無錯, 佢就係做到咁公平, 咁面面俱圓, 你仲想要點? (所以話人大左睇野都唔同左, 以前我就係唔鍾意佢咁"mind")

我就真係...... 幾感動~ and cried...

--
p.s.1 (其實早好多年, 佢果 d "說教" 系列被人詬病既時候...... 我已經開始對佢改觀...... 正如夕爺所講, 邊個會俾佢寫"觀世音" d 咁既歌呀?!)


p.s.2 嘩 deanie 姐唱"赤子"! 我相信夕爺聽返可能會覺得斧鑿之痕太多..... 但"遠遠近近裡, 城巿高高低低間"一唱, 真係令人毛管動~ (我後面個x婆, 成場無聽佢跟劉華唱, 但就係咁晒野唱赤子!!)