一期一會 (2)

本來想過多幾日, 沉澱一下先寫, 不過因為

1) 睇左 c 先生個 blog
2) 睇左今日 MP

所以寫埋先.

上周六, 食飯時睇'文藝晚會', 最驚嚇係:

1) REP 演出 '酸酸甜甜'
2) 楊小姐唱 '小城大事'

1 - 龔小姐離團後, 由新人韋小姐擔正, 咁係咪代表 REP d '靚女' 典型會由韋小姐頂晒??? 同埋見到上次 '萬家之寶' 的黃建東先生在 TV. 黃先生在'萬'劇表現好好, 但同剛離團的郭先生好似樣, 係咪咁先要 "棄舊要新"? (其實做乜做呢套劇的選段, 實在太 politically correct)

2 - 係咪痴線? 揀隻咁既歌, 除左歌名有乜意義響呢個場合播?

3 - 有香港舞蹈團表演, 我特登睇下有無劉首席, 應該有, 但我認唔到 (咁唯有響我生日之前果日去睇'清明'睇返夠本啦. btw, 工作關係, 拎到 private viewing session 的國之重寶門券, :P)

--
入正題.

尋晏睇左400大元的一期一會, 睇到場刊, 黃導寫'林夕先生'. 我估佢私交可能同另一位偉文 黃先生 friend D (合作過嘛). '林夕先生'好似生外些.

黃導寫佢當年在'銷量最高'雜誌工作, 以我記得應該係便便雜誌, 乜當年銷量咁高我都唔知. (須知我係佢地創刊時就有買, 果陣賣兩蚊好快賣晒好難買架) 但最近去拉把重溫當年舊書, 當年的便便係 ok 水準的. 尤其娛樂專訪, 記得黃導名字出現在'音樂專題'比較多, 我仲諗點解依家佢轉左行搞 drama 既添.

講返少少套劇. 由幾年前睇佢的'戀愛次貨'已知佢深受 japanese pop culture 影響, 當年的橋段就有 LG 影子. 家下呢套全部角色名都係日本名好明顯. 第二樣就係我估黃導好喜歡 'asunaro 白書' 果類戲. (等我遲 d 睇埋石田先生的 4 teen 再比照一下, 我今日見到有漫畫版租) (再 sidetrack 一下, 當年看 drama 的 IWGP 驚為天人 [雖則加藤愛的'演技'好惡頂], 但舊年睇 '秋葉原@deep'的小說覺得有點難受, 咁 hollywood feel ? AI 的描寫太 typical)

好彩黃導自己話寫'自閉症'有點片面, 但係我都係要話, 點解要寫兩名男角自閉? 單單係 g 已經夠'少數', 有 d 多 x 餘的感覺. 同埋, 點解林先生的角色又要係 g ?

--
講少少演員:

梁先生: 第一套睇佢係'天台'(首演), 印象最深係佢 as 觀眾, 睇'弒夫情案', 大力拍掌鼓勵同學, 同埋同同學亞媽(即係伯母)傾偈 (都話我八啦)

林小姐 (後生 d 果位): 之前三次睇佢都係 as a child (童謠無忌/野鴨/美人魚手記), 今次 as a woman, 爭少少

湯先生: 第一次睇係'mouth to mouth'(果日我跌左兩次銀包! 但又搵得返), 有'一路進步'的感覺

張先生: 我可能睇過佢的演出, 但完全無印象!