本來話左休巿......

但唔講又有點戚住:

要講講重演的 Hamlet

首映時的文章可見

HAMLET 及其他
HAMLET (續)
HAMLET (3)
繼續哈姆雷特

又話話題會繼續, 不過斷左尾, 哈, 個人性格如此 (話說剛好首演是本小姐2X.5生日, 而今日睇重演就2X+1.0...... 係咩? 乜得咁少咩? 呵!?)

點解 Hamlet 擺響'國際綜藝合家歡'? 藝發局覺得小朋友可睇得明 Hamlet? 同埋咁'亂倫'的故仔又O岩唔O岩小朋友睇? 我好有疑問 (自己前幾年都睇唔明架我在 diary 有寫......) 小朋友會唔會好悶? 成人又要解畫 -_- (有個小朋友見到 Ophelia 癲左, 嚇到係咁叫走......)

另, 為左遷就劇長, CUT 左個乜鬼隣國王子 (首演時最尾 Hamlet 死時 Horatio 叫呢個乜水王子繼承 Denmark 王位. 唔記得左叫乜名) 全部的戲份! 另, 埋 Ophelia 條屍果度都好似爭左少少, 要諗下有乜唔同先?

同埋音樂誇張左 (上次簡約些), 台大左 (演員細聲左......, 我又坐得遠左, 無得睇咁清楚)
舞台的樓上果層太高了.

仲有, 電話聲多左, 咳聲多左, (套刻在 APA 做時雖然好多自己友睇, 有時好煩, 但今次 D 人 D 笑位都幾無厘頭! 唉)

唯一要講, hamlet 仍然型!

同埋, 為左飾演 hamlet 的陳健豪先生, 我會去元朗劇院睇'喝彩' (仲有少少為 佢 claim 的八十年代氣氛)

嘻~ (今日要嘻足一日 :D)