公信力及可信性

上回說到難得有人在 guestbook 留言問幾時有06 songlist. 轉頭又發現原來 wiki 的 entry 裡原原本本的貼了 linxism.com 的資料, 貼到 05 年, 不禁諗唔通貼文果位人兄想 POST 去 wiki 但又無得 C&P.

我只想對自己的網站負責, 不想對 "公信力似乎很高" 的 wiki 負責得唔得? 又, C&P 的人又無問過我喎, 真係當我唔睇果度? 定係覺得 C&P 已經好俾面我呢? 另, 既然已在 "外部連結" link 左去 linxism.com 85 年 page (注意: 並非主頁喎又), 點解仲要 C&P 晒出黎? 如果我求其在某年的 LIST 裡面亂打, 相信 C&P 果個都會照 PASTE 可也 (雖然我唔會咁做, 但呢 d 係互聯網裡面人人都做的事, 已經少有人會求證)

為左表達不滿同埋繼續偷懶, 我不會 update 新的 list, 直至起碼 2008 年~

想 post 埋 06 年的話, 網上大把 source, 唔使等我架啦~

--
以上

searching on the net...

我覺得都真係幾得喎自己.

http://gbcode.rthk.org.hk/b5i/www.rthk.org.hk/rthk/radio1/BubblingPair/20070303.html
(唔知點解經港台個site search係無新的集數?)

http://www.singtao.com/china/news_detail_archive.asp?d_str=20070213&sid=230869

可能大家都見過的, 咁當無野啦~

--
仲有一樣野, 不過今日唔講住, 下個星期先會講. (鳴謝同事 I 君)

--
我個同事成日笑另一位同事 claim 自己長處係在網上搵野 (上司問佢長處係乜時). 我覺得我都可答呢個. 不過如果咁答, 就唔慌有人請喎!!!

EPO and...

上兩集 sxs, 請了 EPO 小姐 (sxs 不嬲都會請前輩黎 jam 歌, 睇呢個節目基本上可以識晒日本呢三十年黎的 hit 歌架啦, 另外 s 不嬲歌精舞勁, 絕不欺場不在話下啦) 終於一賭 EPO 小姐現場功架. 可惜 WINTER SONG 可能在日本完全不 HIT, 只唱左 DOWNTOWN 同 UHUHUHU.

--
每星期追看時效警察, 不禁想起當年因為藤木先生有幸看到 故 野澤尚先生改編的 NHK 劇集 '喪服的約會'而看到的麻生小姐. (記得我曾在 diaryland 中提過呢件事, 不過唔記得左係邊篇, 有人想搵的話搵到記得留 comments 喎, 當年本小說 Cornell Woolrich 的原著好好睇.) (又記得當年我的日文班同學, 逢親鍾意 F4 的都會鍾意藤木先生, 搞到我唔鍾意佢, 但呢幾年佢退居配角退得好優雅, 不禁好感又增加返 D)

joe san 的幽默感從 'satorare' 就廣為人知, 麻生小姐變得咁搞笑, 都真係進步不少喎.
至於 joe san 同鶴田小姐的對手戲, 好似星野醫生返黎咁, 哈~~

--
最後, 如果有人問 EPO 係邊個, 我就只可以答 '仕方無iyone' 啦!

一切從心開始

今天的收穫~



--
華嚴經在 mtr 的廣告攻勢十分勁!

--
上集的'女人三十'超好看. (不過我唔會寫視評, 留俾其他人啦~) 原來是林才女的故事! 繆小姐+林子祥, 而且是不倫, 咪即係'最愛'的藍本!? 貼一幅圖, 港大實景! (呢集真係非常好看. 不愧是高貴的 ms cora)



--
另, 今期 book a 夕爺出現左兩次, 大家記得留意.

--
最後, 我好介意有人就咁 link 左 linxism.com D 圖, 搞到無啦啦用多左 b/w, 唔知會唔會俾人收多 $$ 架嘛~ 反正你要 link 又唔問我的話, 咪 copy 擺去第度當係自己的囉, 又或者最多咪話原出處係邊度. (呢個咁低的要求都無乜人會做) 我見到某 d 人成日鍾意 copy 某幾位的圖出去的, 我會以後都唔 post 果幾位某幾位人兄的野了~......

MV 103

1.
2.
3.
4.
5.

--
上周五一大早就收到兩位來自遠方的網友話我知在 nikko 有 function. (其實我唔明點解遠在北美的你地咁關心香港星蹤 -_-~ 不過好 appreciate~) 不過忙到嘔的我又點會亦都唔會咁唔理智去追星既 :P (btw, 呢個 project 出左街, 起碼我自己好有用啦, 對大家都好有用, 又環保左! 六月尾睇下出唔出得成先)

--
唔知呢張相是幾時呢? 大家有呢個台的話, 記得要留意......


--
難得 guestbook 有人留言, 竟然係問幾時有 06 list. 好簡單, 出份糧俾我做咪有~ 不過人工唔平 :p (又搬屋又忙工作, 邊得閒!?)

--
早在一年前貼的"強人"相片, 勁多人 search 入黎睇! (我知, 係生果方向星球響 google 搵料丫嘛. 乜連資料庫都無? 舊年 cap 定經典台 website 劇情介紹咪有囉.)

--
見到同事的 blog 不停寫公司的事, 真係覺得超搞笑, 勁低能. 如果佢知咁多人睇, 會唔會嚇到即刻閂埋佢????

其實都係唔使講...... 及其他

又有雜誌訪問啦~ 自己去搵啦~

--
笑傲江湖重演, 又去睇. 今次唱粵語. 而令狐沖依舊型, 瀟灑, 舞藝高強 :D 要訂飛睇'清明上河圖'先 (仲有, 岳不群同林平之自宮仍然好震撼. RACE 小姐明顯進步左, 但 ROSANNE 小姐無乜...... 角色所限?)

--
訂左睇'喝彩' (third run la!) A 小姐話: 你都好鍾意個演員喎, 我認~~~~~~

--
上週仲有睇梁菲倚小姐的演出 [一人一物喜劇節] (今週日 MP 副刊有藝評人評分, 果然同一晚三個演出中每位藝評人都俾菲倚小姐最高分.) 沒能看過她在遠走台灣之前在話劇團的演出, 回港後的'法吻'第一時間買飛! 菲倚小姐眼神水汪汪, 真係好靚! 後來'錯把太太當帽子的人'同鄭綺釵小姐雙妹嘜都好得意. o岩o岩果套'我自在江湖'勁抄'倚天', 其實唔知想講乜...... 而菲倚小姐都無乜表現咁...... 佢做'喜'劇, 係三個之中真係叫'喜'既棟篤笑囉. (sorry 曾小姐, 自從你離開左 APA, 你無邊套我喜歡...... 我估你唔鍾意 (甘於只做) 玉女, 但你在 APA 中的玉女都好好丫~~~

--
最後, 依家先知原來小友去左補選區議員. 係呀係小友, 佢係我細佬小學時的老友. 同我地一齊坐校車返/放學. 當年其實可能我同佢 friend 過細佬同佢架. 最記得係屋企電話可以儲九個電話按 #1 / #2.... #9 就可打到. 而佢的電話就係 #9 啦, 細佬唔搵佢我都會搵佢吹水添. 都近廿年前的事咯~ 前幾年小學校友會搞聚餐, 佢仲問我做乜細佬唔黎添~ 希望佢可以勝選, 而大家都滿意佢表現啦~ (我唔係果區, 無得投票喎~)